Апошні навучальны месяц – май, стаў ураджайным на дасягненні навучэнцаў нашай школы ...
20 мая на раённым свяце "Ты носіш ганарова імя піянер" былі ўзнагароджаны дыпламанты раённага конкурсу дзіцячай творчасці "Выратавальнікі вачыма дзяцей". Дыпломам І ступені і памятным падарункам была адзначана работа вучня 10 класа Навіцкага Андрэя ў намінацыі "Апавяданне". Кіраўнік - Карбоўская Л.А.
У канцы мая былі вызначаны пераможцы абласной дыстанцыйнай алімпіяды "На шляху да поспеху" па вучэбных прадметах, якую праводзіла ДУА "Мінскі абласны інстытут развіцця адукацыі". Вучні нашай школы прынялі ўдзел у алімпіядах па прадметах "Беларуская мова і літаратура" (Бурая Таццяна - 8 кл., Падаляка Алеся - 7кл., Чэкаліна Дзіяна - 6кл.); "Руская мова і літаратура" (Бурая Таццяна - 8кл., Скачок Ганна - 7кл., Чэкаліна Дзіяна - 6 кл.); "Геаграфія" (Рубан Ягор - 7кл., Чэкаліна Дзіяна - 6кл.).
Дыпломам ІІІ ступені ўзнагароджана вучаніца 8 класа Бурая Таццяна па вучэбных прадметах "Беларуская мова" і "Беларуская літаратура".
У маі былі падведзены вынікі раённага этапу рэспубліканскага творчага конкурсу "Соблюдаем законы дорог". Дыпломам І ступені была адзначана работа вучаніцы 7 класа Смаляк Ганны ў намінацыі "Падзелка". Работа прыняла ўдзел у абласным этапе конкурсу. Кіраўнік - Харэцкая А.П.
