ПЕДАГАГІЧНЫ ПРАЕКТ “Фарміраванне цікавасці да вывучэння літаратурна-гістарычнай спадчыны сродкамі краязнаўчага турызму”

Упраўленне па адукацыі, спорце і турызме Пухавіцкага райвыканкама

Дзяржаўная ўстанова адукацыі “Ананіцкая сярэдняя школа”

ПЕДАГАГІЧНЫ ПРАЕКТ

“Фарміраванне цікавасці да вывучэння літаратурна-гістарычнай спадчыны сродкамі краязнаўчага турызму”

Тэрмін рэалізацыі: 2024-2027 гг.

Агульныя звесткі. Юрыдычная назва ўстановы адукацыі: Дзяржаўная ўстанова адукацыі “Ананіцкая сярэдняя школа” Пухавіцкага раёна Мінскай вобласці

Тэма педагагічнага праекта: “Фарміраванне цікавасці да вывучэння літаратурна-гістарычнай спадчыны сродкамі краязнаўчага турызму”

Тэрмін рэалізацыі педагагічнага праекта: 2024-2027 гг.

Звесткі аб кіраўніку ўстановы адукацыі: Кавалева Таццяна Іванаўна

Звесткі аб кіраўніку педагагічнага праекта: Карбоўская Любоў Алегаўна

Звесткі аб удзельніках рэалізацыі педагагічнага праекта: педагогі, навучэнцы і іх законныя прадстаўнікі

Адказныя:

1. Кавалева Таццяна Іванаўна – дырэктар дзяржаўнай установы адукацыі “Ананіцкая сярэдняя школа”
2. Ахатнічэнка Ірына Герргіеўна – намеснік дырэктара па вучэбнай рабоце дзяржаўнай установы адукацыі “Ананіцкая сярэдняя школа”
3. Ладыка Святлана Аляксандраўна – намеснік дырэктара па выхаваўчай рабоце дзяржаўнай установы адукацыі “Ананіцкая сярэдняя школа”

Выканаўцы:

1. Карбоўская Любоў Алегаўна – настаўнік беларускай мовы і літаратуры дзяржаўнай установы адукацыі “Ананіцкая сярэдняя школа”
2. Няпеўная Ірына Леанідаўна – настаўнік гісторыі дзяржаўнай установы адукацыі “Ананіцкая сярэдняя школа”
3. Носава Наталля Аляксееўна – бібліятэкар дзяржаўнай установы адукацыі “Ананіцкая сярэдняя школа”
4. Крэмень Наталля Яўгеньеўна – педагог-арганізатар дзяржаўнай установы адукацыі “Ананіцкая сярэдняя школа”
5. Навучэнцы 6-11 класаў
6. Законныя прадстаўнікі непаўналетніх

Актуальнасць педагагічнага праекта    

                Без развітай духоўнай культуры няма дзяржавы: культура фарміруе дух нацыі. Вось чаму на першы план вылучаецца задача маральнага выхавання чалавека, захавання і ўмацавання культурных і ідэалагічных асноў дзяржавы і грамадства. Таму асаблівую ўвагу неабходна звярнуць на пытанні выхавання маладога пакалення праз станоўчыя прыклады, заснаваныя на эпахальных момантах нашай гісторыі і культуры. І ў гэтай справе патрыятычнага накірунку значную ідэалагічную ролю адыгрываюць музеі – захавальнікі гістарычнай памяці.

     Сёння можна з упэўненасцю сказаць, што беларускія музеі з’яўляюцца часткай адукацыйнай сістэмы Рэспублікі Беларусь. Рэальная музейная аўдыторыя – школьнікі. Узаемадзеянне навучальных устаноў з музеямі неабходна развіваць і ўдасканальваць.

     У распрацоўцы матэрыялаў праекта закладзены патэнцыял па фарміраванні ў вучняў цікавасці да вывучэння  літаратуры, гісторыі і культуры Беларусі і папулярызацыі нацыянальнай спадчыны.

Асноўная ідэя праекта

     Папулярызацыя беларускай літаратуры і культуры праз наведванне музеяў у рамках праграмы выхавання дзяцей і моладзі на 2021-2025гг.

Мэта: стварэнне ўмоў для фарміравання цікавасці да вывучэння літаратуры, гісторыі і культуры Беларусі сродкамі краязнаўчага рэсурсу

Задачы:

1. Арганізаваць наведванне літаратурных і краязнаўчых музеяў Мінскай вобласці і горада Мінска.
2. Пашырыць веды вучняў па літаратуры, гісторыі і культуры Беларусі па-за межамі школьнай праграмы па тых матэрыялах, якія будуць акрэслены ў музеях.
3. Распрацаваць і аформіць літаратурна-краязнаўчы маршрут для вывучэння спадчыны Міншчыны.
4. Далучыць моладзь да культурнай спадчыны Беларусі, фарміраваць грамадзянска-патрыятычныя якасці асобы, пачуццё нацыянальнай самасвядомасці.
5. Садзейнічаць выхаванню грамадзяніна і патрыёта Беларусі.

Тэарэтычнае абгрунтаванне педагагічнага праекта

Любіце гэтую святую зямлю аддана і да канца.

Іншай вам не дадзена, дый не патрэбна.

У. Караткевіч

     Педагагічны праект “Фарміраванне цікавасці да вывучэння літаратурна-гістарычнай спадчыны сродкамі краязнаўчага турызму” накіраваны на далучэнне моладзі да культурнай спадчыны Беларусі, фарміраванне пачуцця нацыянальнай самасвядомасці, грамадзянска-патрыятычных якасцей асобы.

     Педагагічны праект змяшчае комплекс мерапрыемстваў, якія накіраваны на павышэнне ўзроўню ведаў ведаў па літаратуры, гісторыі і культуры  Беларусі.

     Літаратурныя музеі – гэта скарбніцы ўнікальных рукапісаў, асабістых рэчаў, рэдкіх фотаздымкаў беларускіх аўтараў і архіўных дакументаў. Наведванне літаратурных музеяў – гэта незвычайны фармат для экскурсій, дзе дзеці і дарослыя могуць даведацца пра жыццё знакамітых пісьменнікаў і паэтаў Беларусі, унікнуць у побыт, прасякнуты духам эпохі, пачытаць творы, разгадаць рэбусы і загадкі на аснове творчасці, наведаць музейна-педагагічныя заняткі, пазнаёміцца з інтэрактыўнымі экспазіцыямі.

     Праект дазволіць правесці работу па ўдасканаленні ўзаемадзеяння навучальных устаноў з літаратурнымі і краязнаўчымі музеямі Мінскай вобласці і горада Мінска, распрацаваць літаратурна-краязнаўчы маршрут для вывучэння спадчыны Міншчыны.

Мадэль будучага адукацыйнага працэсу:

     - агранізацыя літаратурных чытанняў, паглыбленае знаёмства з біяграфіяй і творчасцю беларускіх аўтараў;

     - наведванне літаратурных і краязнаўчых музеяў Мінскай вобласці і горада Мінска;

     - творчыя сустрэчы з беларускімі пісьменнікамі і паэтамі;

     - стварэнне інтэрнэт-платформы праекта на афіцыйным сайце установы адукацыі;

     - распрацоўка і афармленне літаратурна-краязнаўчага маршрута для вывучэння спадчыны Міншчыны;

     - асвятленне рэалізацыі праекта ў сродках масавай інфармацыі.

     Дзейнасць па распрацоўцы, планаванні і рэалізацыі педагагічнага праекта  мяркуе наступныя этапы:

1 этап: падрыхтоўчы (з 1 мая 2024г. па 31 жніўня 2024 г.)

2 этап: асноўны (з 1 верасня 2024 г. па 31 мая 2027 г.)

3 этап: заключны (з 1 чэрвеня 2027 г. па 30 верасня 2027 г.)

Формы справаздачы:

кастрычнік 2025 г. – прамежкавая справаздача;

верасень 2027 г. – выніковая справаздача.

Крытэрыі і паказчыкі ацэнкі рэзультатыўнасці праектнай дзейнасці

1. Актыўны ўдзел і станоўчая дынаміка задаволенасці вучняў і іх законных прадстаўнікоў у рэалізацыі праекта.
2. Станоўчая дынаміка ў засваенні адукацыйных праграм па літаратуры, гісторыі, грамадазнаўстве, мастацтве.
3. Пашырэнне сацыяльна-педагагічнага партнёрства ў рамках рэалізацыі праекта з іншымі ўстановамі адукацыі і культуры.

Спіс выкарыстаных крыніц

1. Карлюкевіч,А.Краязнаўчы рэсурс у вывучэнні беларускай літаратуры / А.Карлюкевіч. – Мінск,2015. – 208с.
2. Кодэкс Рэспублікі Беларусь аб адукацыі
3. Кулажанка,Л. Літаратурныя мясціны Беларусі: Краязнаўчы даведнік для настаўнікаў: У 3-х кн. / Л.Кулажанка, А.Мальдзіс, С.Сачанка. – Мінск,2000
4. Лугоўскі,А.І. Літаратурнае краязнаўства: Вучэбна-метадычны комплекс БДПУ – Мінск, 2019
5. Лупашка, І.Г.Функцыянаванне беларускіх літаратурных музеяў у кантэксце сучасных сацыякультурных працэсаў/ І.Г. Лупашка – Мінск, 2013
6. Ляшук, В.Я. Літаратурнае краязнаўства ў школе/ В.Я.Ляшук. – Мінск,1991. -196с.
7. Сайты літаратурных музеяў Беларусі

Праграма рэалізацыі педагагічнага праекта

“Фарміраванне цікавасці да вывучэння літаратурна-гістарычнай спадчыны сродкамі краязнаўчага турызму”

(2024-2027 гг)

Падрыхтоўчы этап (з 1 мая 2024г. па 31 жніўня 2024 г.)

Асноўны этап (з 1 верасня 2024 г. па 31 мая 2027 г.)

Заключны этап (з 1 чэрвеня 2027 г. па 30 верасня 2027 г.)

Каляндарны план

рэалізацыі педагагічнага праекта

“Фарміраванне цікавасці да вывучэння літаратурна-гістарычнай спадчыны сродкамі краязнаўчага турызму”

на 2024/2025 навучальны год