З 10 па 23 верасня 2022 года ва ДУА "Ананіцкі навучальна-педагагічны комплекс дзяцячы сад-сярэдняя школа" праходзілі мерапрыемствы Тыдня роднай мовы “Як ты дорага мне, мая родная мова”.
17 верасня адзначаўся 110-гадовы юбілей Максіма Танка, чаму быў прысвечаны выпуск школьнай газеты “Веснік Ананіцкай школы”.
Пачаўся тыдзень Рэспубліканскім дыктантам “Дзень народнага адзінства”. Вучні 3 класа стварылі воблака слоў “Маё любімае слова па-беларуску”, вучні 4 класа вырабілі паштоўкі “Віншаванні роднай мове”.
Вучні 6 класа падрыхтавалі прэзентацыю “Мой радавод”, а 10 і 11 класа – выявілі свае веды ў сваёй гульні “Скарбонкі роднай мовы”.
У школьнай бібліятэцы была арганізавана тэматычная кніжная выстава і праведзена бібліятэчная гасцёўня “Беларускамоўны друк для дзяцей”.
Вынікам тыдня стаў конкурс творчых работ “Мая Беларусь”.
